Science First ( علاج طبيعي )

الخميس، 8 سبتمبر 2016

في موضوعنا النهاردة هنتكلم عن جروب اسمه "rotator cuff muscles"

دول عبارة عن "4" عضلات بيوصلوا الـ "scapula" بالـ "humerus"

كلهم طالعين من الاسكابيولا ورايحين يعملوا انسيرشن في الهيوميرس

وعشان نحفظهم بسهولة وميتنسوش هنختصرهم في كلمة "Sits" "يجلس"

طب ليه اسمهم "the rotator cuff muscles"

معناها بالعربي "عضلات الكفة المدورة" بغض النظر عن الاسم اللي تحسه طبخة من طبخات الشيف شيربيني هات ورقة وقلم وخلونا نفهم معناه

"Rotator" عشان كلهم بيتحكموا في الـ "rotation" بتاع الـ "arm"

"Cuff" عشان بتحيط بمفصل الكتف كأن في كف محيط بيها
وده مديها اهمية كبيرة في تثبيت رأس الـ "humerus" في المفصل أثناء الحركة

ندخل في نفاصيل كل عضلة بقى :

في أول حلقتين لينا هناخد عضلتين بحب دايما أسميهم "التوأم المختلف" هم الـ "supraspinatus" and "infraspinatus"

هنعرف ليه بعدين

بس قبل ما نبدأ نقول معلومة عالهامش:

لما نيجي نتكلم عن أي عضلة مينفعش ندخل في تفاصيلها قبل ما نفهم معنى اسمها الأول لأن غالبية الاسماء في الأناتومي بتغششك معلومة عن العضلة، وده هيفرق معاك "أوي" وأنت قدام ورقة الإمتحان.

طب يعني ايه "supra- spinatus" ؟

"supra" يعني "فوق" .. "spinatus" جاية من "spine" الشوكة بتاع عظمة الاسكابيولا .. معنى الكلام انها موجودة في الحفرة اللي فوق الشوكة ..زي ما واضح في الصورة .. أقولك على حاجة ؟ كده احنا قولنا الأورجن بتاعها

يبقى الـ origin:

from the supraspinatus fossa of the scapula

طب بتروح تثبت الـ"tendon" بتاعها فين؟

insertion:

to the superior facet "impression" of greater tubercle of humerus
shoulder joint capsule

nerve supply:

suprascapular nerve [c4 c5 c6] of brachial plexus.

العصب ده فرع ناتج من الـ "root" رقم [4 ,6,5]من الضفيرة العصبية ،بيروح للعضلة عند طريق حفرة في الاسكابيولا اسمها "suprascapular notch" ويعدي من تحت ليجمنت اسمه "suprascapular ligament"

زي ما واضح في الصورة